開網店 創業成本一般比實體商舖為低，工作自由度比較高，近幾年確實吸引不少年輕人嘗試去自己開網店做生意。但有的過程中出咗問題，甚至失敗，不少因為犯了可以避免的錯誤。我們嘗試從過去的香港網店客戶中，討論一些過往見聞，讓網店創業新手借鏡。
開網店究竟需要有商業登記證嗎？
講開做網店，大家經常覺得，開網店應該唔需要有商業登記證吧? 好多人認為網店不用舖頭做買賣，應該不用取得商業登記證去經營生意。不過，答案是 必須要有「商業登記證」。
根據《商業登記條例》，在香港為了圖利而從事任何形式的生意、商務、工藝、專業、職業或其他活動，無論以線上方式，包括在網店、Instagram、Facebook ，或實體商店形式經營，都須辦理商業登記，否則即屬違法。違法者可被罰款港幣 5,000 元及監禁 1 年。
申請商業登記最簡單的方法，可親身到 灣仔稅務大樓 4/F 的商業登記署 辦理，提交申請表後，署方一般可以即日發出商業登記證。
開網店係咪一定要做手機 App ？
近 10 年智能手機興起，加上 4G / 5G 網絡技術，出現不少非常成功的手機 App。再加上好多人都使用手機網上購物，令大家覺得，係咪自己公司都要有隻手機 App，做網店就係要做手機 App?
其實開網店同做手機 App 沒有必然關係。開發網店手機 App 不是不可以，只不過大家想一想，一隻 App 要同時開發 iOS App 和 Android App 版本，再加上手機 App 上架 Google Play Store 和 Apple App Store 需要時間審批，開發過程不但複雜，而且需要很長時間才能完成。
好多人口中嘅手機網店 App，大部份都係由一些的網店開發平台，加以開發完成。Opencart、Woocommerce、Magento 是現今最流行、最常見的開發平台例子。這些平台本身已經內建常用的網店功能，只需再加以後期製作，便可完成各式各樣的網上商店。由於其操作介面 (User Interface) 有針對手機屏幕尺寸優化，所以非常適合不同手機上操作使用。
做網店搵邊個好 ?
另一個大家開網店會經常問嘅問題，究竟搵邊個做網上商店好？如果要問搵邊個做好，大家不妨留意下，其實要做到一個吸引又好用嘅網站，都會有其中以下特徵 :
適當的介面設計
一個好嘅介面設計，除咗經常提及嘅響應式網頁設計 (Responsive Web Design) 之外，亦有其他不同的元素，例如字體尺寸都係考慮之列。 Kiwi 已製作網店一段時間，發現直至 2020 年，仍有不少設計採用字體偏細的設計。大家可以諗下，顧客群可能係有一些眼力已經冇今好嘅人，亦可能平時返工已經要睇好多文件嘅上班一族。現今的 LED 屏幕，手機屏幕尺寸也不是太細小的情況下，沒有人希望會以比較辛苦方式閲讀你的網店資料。適當的字體尺寸，可以令到瀏覽者更舒適地閲讀資料，增加停留你的網店時間，更大機會轉化成你的顧客。
平台需要靈活有彈性
平台靈活有彈性，一個好嘅後台系統係唔可以缺少。後台系統可以令你好輕易更改網店內容，例如定期更新網店 banner, 上載新嘅 YouTube 宣傳片等等。功能上，產品展示是必需的，可以隨時加入新嘅商品，修改商品資料價格。另外配合唔同嘅銷售策略，優惠碼功能、會員功能也很重要。另外庫存管理功能可以幫助你知道那些貨品缺貨，或避免超賣情況。
在考慮平台價錢時要看整體價格。例如年費港幣 300 多元的寄存計劃，看起來很便宜，但細心看一下，只有 1 GB 儲存空間，根本不足應用，不能足以存儲產品圖像。
要留意網店支援的收錢、支付方式
網購愈來愈流行，加上電子支付方式的普及，2018 、2019 年開始多咗人接受電子支付方式。PayPal、Stripe 都係常見網上商店收款方式。不過當大家未有公司銀行戶口時候，以上方法未必用得到，也限制了收錢的途徑。所以搵人做網店嘅時候，留意一下供應商可以提供的付款方案。
2017 年滙豐 PayMe 的出現，客人把訂單款項由 PayMe 過數至店主的個人帳戶，都係一個方便又好用的方法。或者再傳統啲，可以用返銀行過數。2018 年底，有些網店仍有大概 6 至 7 成嘅客人都係用銀行過數，認為今樣比較穩陣。
PayMe for Business 每次交易將會向商戶收取 1.2% 的標準費用；每次使用 PayMe API（例如透過您已整合的網站或流動應用程式）或 POS 終端機 進行的交易則收取 1.5％ 標準費用 #1
使用 Stripe 收款的手續費 為 每筆交易的 3.4% + HKD$2.35 ，而 PayPal 的收款的手續費 則為 3.9% + HKD$2.35。 #2
#1, #2 截至 2022 年 9 月資料
Kiwi 都提提大家，如果打算開網店，都建議大家開返個公司銀行戶口。始終用個人戶口收錢不是長久之道，報稅時也比較不便。
物流及運費需要考慮的營運策略
根據香港消委會的統計數字，有多達四成嘅顧客，喺結帳付款嘅時候，因為見到運費需要另外收費，而取消訂單。為了增加銷售額，很多店家提供免運費，吸納顧客下單消費。不過為了平衡成本，大家都不能長期承擔運費。因此，如何訂出一個合理的運費價格也是非常關鍵。例如推出限時優惠提供運費優惠，又或者購買指定金額嘅商品免運費。送貨方面，本地寄送的運費一般為 $20 至 $30。另外店家從海外訂貨，決定透過集運方法收貨的話，那就需要支付國際運費、存倉費、合併費、手續費等雜費。
有咗網店 點樣令到更多嘅人認識我們品牌 ？
新品牌係創業初期，一般知名度不足。想俾到更多人認識嘅自己品牌，除咗 Facebook、IG 投放廣告，市集擺攤可說是拓展品牌的一個有效行銷策略。透過開始市集擺攤，一步步累積自己品牌知名度，同埸亦可以配合唔同嘅宣傳手法，例如客人即埸用手機到 Facebook 、Instagram 專頁俾 like 可得到即時折扣，提供限時網店購物優惠碼，吸引更多嘅客人去你網店、或者遇上非常喜歡你品牌嘅客人追蹤、朋友間推介你的產品。
單單只是網絡經營，就是缺乏與客人溝通。店主與客人面對面之下，在市集能夠聽見客人真實的感覺和對產品的感想。對初期了解客人對自己品牌的感覺及意見非常有幫助。店主亦都可以即場睇到客人對自己的產品的真實感受和反應，明白出了甚麼問題，可以做甚麼改善等等，在擺攤過程中令你獲得寶貴的經驗。與此同時，客人真正接觸到你的產品，對你的品牌產生信心，往後網店生意額會比平常大很多，隨之而來的網店 、Facebook 、Instagram 專頁人流亦會增加不少，讓你增加對自己生意的信心。
Kiwi Web Technology Limited 聲明﹕本文章內容僅供參考，我們不保證本文章內容完全正確無誤。我們不對任何人因為本文章內容而導致的任何損失負責，也不對任何人因為本文章內容而導致的任何損失承擔法律責任。